تیکدیـــم یولــووا گـؤزلــری باخــدیقجــا اوزاندی

گئجــدن گئــج اولوبــدور گلیشـون یولدا ایناندی

کونلــوم سنی آختــاردی تاپا اؤپســون الــوندن

بــو آرزیلــی باشــدان بــاشا دونیــانی دولاندی

گولدن دئدیلــر گؤیچک اولارسان گول ائشیتدی

ســـالدی آشـاغا باشینـی گول سندن اوتاندی

سئــوگی آیاقیــن قویدی اولو کونلــومه گؤردوم

یاتمیــش پـوزولان داردا قــالان کونلــوم اویاندی

سؤزلش میشیدوک تئز گله سن ایتمه چولوندن

سؤز چیخدی یادیمدان دئدیم اونداندی یوباندی

گلســـن بیـلیـــرم آی قـــالا بیـلمــز قاباقینـــدا

کونلــون چکه بیــردن اولاکـی گــون ده دایاندی

دوزدی کـی آتیب دونیـانی گـؤزدن سنین اوتری

سانمــا اوتــوزوبدور حبیــب البــت کـی قازاندی