عرض ارادت به امام زمان (ع) گریز مطلب خان رقیه (س)

بیز سنی گورمه میش هر یرده دعا ایلموشوق
گجه  گوندوز آدون عشقیله  صفا ایلمو  شوق

ای بت عالمیان شاهد پاکیزه سرشت
آناسی نرگس جنت ئوزی طاووس بهشت

اسم زیبای تورا قا درو منان نوشت

بو اورک ملکونه مولا سروساماندی یادون

هر چتین دردیلرون دردینه درماندی آدون

گرچه آدونلا یادون هر اورگی شاد ایلیر

عاشق رویون اولا نلار اورگون قان ایلیر

کوی و برزنلری نوریله  چراغان ایلیر
گل که گلماقلقون هر مشکلی آسان ایلر
سن اگر اولسان آرامیزدا بو هجران اولماز 
آچیلار شیعه لرین قلبی داخی قان اولماز
ای که بیر مرحمتون دولت دارایه دگر
دلبرانه باخیشون هر ایکی دنیایه دگر

سنه واژه تاپابیلمز قلمیم اشگون اللر

وصفوفه یوسف زهرا اولا هیات ایر

خلقتون سر سبدی ما خلقون سن گوزیسن

سنه یوسف دیمرم فاطمیه سویگولوسن
سنه  دوزدی یاراشور عالمه ناز  ایلیسن
بیر باخیش خوشدی که درویشه نیازایلیسن

عاشقین گوز یولا  تیکمش که قیام  ایلیسن

خوش یاراشماز بیزی  نامرده  نیاز ایلیسن

گل شمادت اوخی چوخ قلبلری  بولدی آقا

چوخی بیرعمر آدوی یاد  ایلدی اولدی آقا

سووروخ بیزاودلی عاشق رخسارون اولا

یاد اده هرشب جمعه گوزی اشگیله دولا

باغبان راضی که اولماز گلی  گلشنده سولا
بیزه بیرگوز کرم ایت قابل دیدارون اولا

قوراسان حلقه وحدت هامی سنله  دانشا

ذولفقارون اودونا منکر اولان لار آلشا

آقا گل گلمه لیسن چوخ لاری ایمانی ساتوب

ظلم بی داد ایلیور حق دانشانلاردا یاتوب

کامنه دشمن  مذدور ستم گرده چا توب

بی نوا یوخسول ومظلوم ایاق آلتندا قالوب

گل عدالت علمین یبن الحسن چگنیوه آل

زو رقویان  جهانی آقا  تخدن  یره سال

عمر کروانون آقابیرده بوآرزیلا سوراخ

قسمت اولسا سنی گربیزده بو دنیاده گوراخ

خوشدی مولا بالاسی مرقد مولاده  گوراخ

هم حسین قبرین اوپاخ هم کف پایونن اوپاخ

سن قاباخدا گیدسن تپراقیوا بیز بوروناق

دلده عباسون آدی قبر وزیره سورونا ق 
شیعه لر جانی فدا یارب ابوالفضل قولونا

سید وسرورسالار شهیدان یولونا

عمه وون مرقدینه قویما جسارت اولونا

اورقیه حرمی گر دوشه دشمن طورونا

شام ویرانه گینه عرصه تاراج اولاجاق

جدوون  عترتینه  شام غریبان اولاق

ای (مطلب)اوقیزون اوندا کسیلدی چاراسی

شامیان شامیده وردی اونا چوخ دل یاراسی

ایاقی یاره لی جان وردی حسینون  بالاسی

استه سه قبرینه گر شاه  شهیدان  بالاسی

گیدروخ  موکبیله  قبر  کریمانه  سینه

آلاروخ مرهم آپاروخ ایاقون یاره سینه  

یاز مطلب بو رقیه شه  عطشان قیزودور

قاپوسی باب کرمدور بوکرامت   قیزودور

آی اگراولسا حسین بس قیزیدا  اولدوزودور

آدی هر مجلسه گلسه اورانون داد دوزودور

یازموشوق  یاشیل علم اوسته رقیه آدونی

مجلسه  وارد  اولاندا  اوپروخ  بیز آدونی

شعر ادغامی از مطلبی

التماس دعا