سلام اولا آقامین  آدی دلربا  قیزینا

سلام اولا آقامین غملی باوفا قیزینا

سلام اولا آقامین غملرهرضا قیزینا

اوقیزکیغملرالینن اریدی گول بدنی

آجونان ئولدی ولی ایسی بیرغذا یمه دی

-------------------------------

سلام اولا غمیله گول یوزی سولان بالیا

یارالی صورتینیتپراقا  قویان بالیا

زمانه نین آجیسی قلبینه دولان بالیا

شمادتین اثرینن  یاناردیخون ورگی

خرابه یرده اونون باغلاموشدی قان اورگی

---------------------------------

سلام اولا بوگیجه اهلبیتی آغلادانا

سلام اولابوگیجه عمه سی ملرقالانا

سلام اولابوگیجه گوزلری یولا باخانا

یوخودا گوردی باباسین دوروب فغان ایلدی

بابا بابا دیدی رخصاره گوزیاشین الدی

--------------------------------

سلام اولا اوقیزا گوزیاشین یوزه اله دی

سلام اولا اوقیزاروزشب یانوب مله دی

سلام اولا اوقیزا بیرکسه سوزون دیمه دی

خرابه یرده توکوبدور جماله گوزیاشین

سوروشدی تا باباسین گتدیلر کسیک باشین

--------------------------------------

یارالی باشی گورنده ازل سلام ایلدی

دولاندی باشینه عرض ایلیوب حالین نجه دی

غریبه وقته گلوبسن عجب گیجم گیجه دی

ایله دارخموشدوم من بابا بوویراندا

منی گذشت ایله دای قالمیوب توان جاندا

-----------------------------------

جهاندا هر قیزین ایستکلیسی یقین آتادی

 اونون دالیجا  گوزی یولارا باخان بالادی

یریم خرابه دی سن سویله منزلین هارادی

خبر آلاندا سنی زینب عمم آغلاردی

توکردی گوز یاشینی سینه سینی داغلاردی

-----------------------------------

گلوبسن ایندی بابا قوی ئوپوم دوداقینن

دانش منیله دانش آل خبر ملالیمنن

منیمده حالیمی بول یاره لی قولاقیمنن

پیاده یولاری گلدیم ایاقیم آبله دی

اقلی گل دیله دل لن گوروم حالین نجه دی

-------------------------------

خرابه تپراقینی  گوزلریم یاشی سولادی

یوخودا گورموشودوم لبلریرین بابا یارادی

شل اولسون اللری هرکس سنی قانا بویادی

یارالی جانیوه قربان بو خسته جان یارالی

یوزوی قوی یوزمه من یارالی سن یارالی

----------------------------------

غبارغم گوروسن زلفومه منیم اله نوب

یارالی باشیوه دل لن گوروم سنین نه گلوب

یارالی سان نیه بس  صورتین کوله بلشوب

فدا اولوم نیه گوزدن  بیزی سن آتمشدون

بیله خیال ایدورم کوللر اوسته  یاتمشدون

------------------------------------------------

جواب

یارالی باش دیله گلدی گوزونن اشکی آخار

آزآغلا غملی بالام  غم بوگون  تمامه چاتار

منیم وفالی قیزیم کیم قیزین گوزونن آتار

خیال ایلمه گوزدن  سیزی  من  آتمشدیم

من آریلان گیجه سیزدن کول اوسته یاتمشدیم

---------------------------------------

سوال

 خیام غارت  اولاندا   بابا سن هاردیدون

قوشون خیامه دولاندا  بابا سن هایاندیدون

بنات  اوتدا  یاندا  بابا سن هایاندیدون

سنین گوزونن ایراق گورنجه جسارت اولوب

علی و اکبر آلان گوشواره غارت اولوب

-----------------------------------------

قوتولدی غارت اگرچه بیرآجا دینجلدیم

بیله   خیال ایلمه  سنن  الفتیم  کسدیم

یوخویا  شمری  وریب  قتلگاهیوه  گلدیم

اوقورخولی گیجه ده داده سسلدیم سنی من

جواب  گلمدی مایوس  ایله دین  منی  سن

دلنوشته کربلای قربان مطلبی


برچسب‌ها: مطلبیمایاناشعارترکیتبریزاردبیل قربان

تاريخ : یک شنبه 1 خرداد 1399 | 23:0 | نویسنده : قربان مطلبی مایانی |

رضانین حرمینده ...
. .
به به نه جلا واردی رضانین حرمینده
بیر آیری صفا واردی رضانین حرمینده
.
بیر عطر خوش و حال فرحزاد و دل انگیر
ای اهل ولا واردی رضانین حرمینده
.
گل جام مس روحوه بلکه ویره صیقل
گلبانگ دعا واردی رضانین حرمینده
.
موسایه دیون طور خراسانه گذر سال
انوار خدا واردی رضانون حرمینده
.
جنت اورا غبطیله باخور علتی وار،چون
ایوان طلا واردی رضانین حرمینده
.
دروازه رضوانی ایدوب مات عظمتده
بیر باب رضا واردی رضانین حرمینده
.
گلدسته لری پارلیور سینه عرشی
بیر عالی نما واردی رضانین حرمینده
.
کیم صحن عتیقی گوره بی شک دیر حتما
فردوس خدا واردی رضانین حرمینده
.
شاهلاردا او درگاهه ذلیلانه گدللر
تک نه فقرا واردی رضانین حرمینده
.
ای حاتم طایی گل اوزون گورنجه سن تک
مینلرجه گدا واردی رضانین حرمینده
.
کیم زائر مخلص اولا بی بهره قیتمز
دریای سخا واردی رضانین حرمینده
.
هم حاجت دنیائی و هم آخرت ایسته
خیر دو سرا واردی رضانین حرمینده
.
دردون سرطان اولسادا چوخ اولماپریشان
هر درده دوا واردی رضانین حرمینده
.
معلومیدی زواریلری کامه چاتوب ،چون
دللرده ثنا واردی رضانین حرمینده
.
هم کعبه و هم مشعر و هم مروه و زمزم
هم سعی و صفا واردی رضانین حرمینده
.
هم شهر علی یعنی نجف وادی ایمان
هم کرب و بلا واردی رضانین حرمینده
.
( کربلایی ) اوزی قمدا اورگی دائما اما
هرصبح و مسا واردی رضانین حرمینده


برچسب‌ها: رضامایاننوحه اشعار تبریز

تاريخ : جمعه 21 تير 1398 | 9:41 | نویسنده : قربان مطلبی مایانی |

مدح حضرت امام رضا علیه السلام
.
✍️
.
سامان فرد کانی (شمس شاب تبریزی )
.
عروق عشقیمه تزریق خون ایدر عشقون
صغیر مکتبى بس ذوالفنون ایدر عشقون
.
مکارم علوى سنده جمع اولوب الحق
ثبوت صاد صمد سندن اولدى مستنطق
.
سنیله غبطه گه جنت اولدى خطّۀ طوس
صراط فلسفۀ عشقه اولموسان فانوس
.
قواى خمسه شهادت ویرور امامتیوه
نزول ایدور ملکوت عنصرى زیارتیوه
.
نه کعبه ؛طوف ضریحون ایدر منى حاجى
فلک الى السمک اولموش بو باب محتاجى
.
الهۀ بشریتسن اى الاهه ضلیل
دوروبدى دست به سینه قاپوندا عزرائیل
.
دوشوبدى باشیمه تقصیر توبه میدن ایدم
الون اوپوب مِى آلوب مست اولوب خیاله گیدم
.
بو مى نه میدى که ذرّاتى پخش نور ایلور
بو باده دن قمر برج حق ظهور ایلور
.
بو مى نه میدى که مستیندن هیچ خبر اولماز
یقین بو جام ولایتدى بى شرر اولماز
.
بو مى نه میدى که کوثردن اخذ کام ایلدى
ایچنلرین ایکى دنیا غمون تمام ایلدى
.
بو مى نه میدى که هر ذرّه سى بقا یازیلوب
صحیفۀ قطراتوندا یا رضا یازیلوب
.
غریبه مِی دى بو مِى ایچدیم هرچه بادا باد
منى خراب ایلدون ساقیا ایوین آباد
.
الینده اوپملى اولسامدا بیر قدح آلارام
خمار باخما منه هولیدن میى جالارام
.
سن اى سقى اللهه تالى سقى اللهون اوغلى
سن اى ازل مهه همتا ازل مهون اوغلى
.
سن اى ترحّم و رأفتده اوّل و آخر
سن اى ولایتى مخلوقه ظاهر و باطن
.
سن اى عذارى ووران طعنه ماه و خورشیده
سن اى تحوّل مطلق رکوده توحیده
.
سن اى ایدن باخشى آهن سیاهى طلا
سن اى خزینۀ مخفى حبیبِ ذاتِ خدا
.
سن اى خمیده قاشون اهل عالمه محراب
سن اى نماز وصال نگارِ خلد جناب
.
سن اى فراخورِ عرفانِ شرقه مهر منیر
سن اى مثلثِ نفسه حدودِ ضلع کبیر
.
سن اى ترنّم باران سراب انسانه
سن اى نهایتِ ذوق و صفا گلستانه
.
سن اى عصارۀ دیوان مکتبِ تقوا
سن اى قصیدۀ پر محتواى ذات خدا
.
جمال ماهیوى ستر وجاهتون اورتر
سنون قدملریوه جبرئیل یوز سورتر
.
سن اى بو قدرتیله ذات حقّه بنده اولان
مقام قرعۀ توحیدیده برنده اولان
.
نه مى نه مطرب و ساقى من ایچمه میش مستم
سواد زلفیوه ایللردى ساقیا بستم


برچسب‌ها: تبریزمایان اشعار

تاريخ : جمعه 21 تير 1398 | 9:37 | نویسنده : قربان مطلبی مایانی |

خلاق جهان هر کسه بیرگوهری ویردی

هر زرگره اوز ایستدیگیجک زری ویردی

 

شاه ایتدی سلیمانه قیزیل منبری ویردی

عیسای مسیحه دم جان پروری ویردی

ابراهیمه اسماعیل مه پیکری ویردی

یعقوبه باخوب یوسف خوش منظری ویردی

 

چون گوردی حسین باشدی جلالتده اولاردان

خلقتده قویوب سنگ تمام "اکبری" ویردی

آدرس تلگرام

telegram.me/GorBand

کانال اشعارقربان مطلبی و شاعران اهلبیت.
@Mt0418


برچسب‌ها: میلادمایانتبریز

ادامه مطلب
تاريخ : سه شنبه 28 ارديبهشت 1395 | 16:28 | نویسنده : قربان مطلبی مایانی |

 

صفا وار شور وار یاران حسین آدی گلن یرده

ملک وار حوری وار یاران حسین آدی گلن یرده

 

حسین آدی گلن یر ریگزار اولسا گلستاندی

اتورسا مهری هردلده او دل دریای ایماندی

اونا یرگوی توکر گوزیاش  فدای دین وقرآندی

اولارگوزیا شلاری باران حسین آدی گلن یرده

 

حسینه گوزلروم قربان ملک صورتده انساندی

مقام و شانینه  جمله  ملایک  اهلی   حیراندی

حسینی  اتسه لر تفسیر  حسین معنای  قرآندی

اولار روحه روان قرآن حسین آدی گلن یرده

 

چکر حسرت  ملایکلر حسینون  خادمی  اولسون

ادون همت آی عاشقلر حسینون مجلسی دولسون

بیزه بدبین اولان شخصون باخوب رنگ ورخی سولسون

گرک دور خار اولا دونان  حسین آدی گلن یرده

 

حسینون خیمه سی آلتی  بیزه مین باشدی جنتدن

اولارکی عترتی سویمزچخاتماز باش بو حکمتدن

اورکدن سسلسوخ آدون  قوتولوخ رنج ومحنتدن

تاپولماز درد بی درمان حسین آدی گلن یرده

دلنوشته کربلای قربان مطلبی

آدرتلگرامی
 https://telegram.me/GorBand
@Mt0418=**پل ارتباطی


برچسب‌ها: مطلبی قربان مایانتبریز

تاريخ : چهار شنبه 18 فروردين 1395 | 15:8 | نویسنده : قربان مطلبی مایانی |

یا حسین بیز درگهونده سائل بی دادخواهوخ

گل بیزی قوما قاپوندان شرمسار و روسیاهوخ

 

بیر بیله شان و جلالت وار جهاندا هانسی شاهون

سائله دائم آچوخدور درگه عالم پناهون

هر ایی دنیا عزیزوخ ذرّه جه اولسا نگاهون

چون سنون عزّت قاپوندان صاحب اجلال و جاهوخ

 


برچسب‌ها: امامحسینتبریزمایانمطلبیقربان

ادامه مطلب
تاريخ : چهار شنبه 26 اسفند 1394 | 16:46 | نویسنده : قربان مطلبی مایانی |

کانال اشعارقربان مطلبی و شاعران اهلبیت. https://telegram.me/GorBand, [۲۷.۰۱.۱۶ ۱۰:۴۲]
گل عم اوغلی فاطمه محنتون - اورگه سالوب بیله آغلاما
گوزوون یاشون سیله بیلمورم - یوزومه باخوب بیله آغلاما
سنه من فدا بیله آغلاما
علی آغلاما علی آغلاما

قاخموری قولوم گوزیاشون سیلم – منی عف ایله شه لا فتی
رسمدورعم اوغلی جهانیده - غملی غملینون دادینه چاتا
گورمیسن؟ ایوه سن گلن زمان – بسترونده فاطمیه هیچ یاتا
بسترونده فاطمه یا علی - یارلی یاتوب بیله آغلاما
سنه من فدا بیله آغلاما


نه قدر کی جان دوداقومدا وار – دیرم فقط علی یا علی
غمه سینمی سپر ایتمیشم - بیله گورمیم سنی یا علی
دیزیوی قوجاخلاما قون سنون - ایله یاندورور منی یا علی
سن زینبون جانی یا علی - یوزومه باخوب بیله آغلاما
سنه من فدا بیله آغلاما

جانووا فدا یارالی جانوم - نیه اشکیووی یوزه باغلوسان
گورورم بوگونلرعم اوغلی جان- اورگون شراریله داغلوسان
باخورام گوزون یاشی هی آخور - مگراولموشم بله آغلوسان
ولی نیلیاخ قلم قضا - بیزه غم یازوب بیله آغلاما
سنه من فدا بیله آغلاما


گل عم اوغلی درد دل ایلیاخ – پوزولور صفاسی بو خانه نون
بیزی چولقادی غمه روزگار - یوزی گولمسون بوزمانه نون
بولورم حالیم نان گلیلیسن - یری ایندی یوخدی گلایه نون
فلک آیرولوخ اوخونی علی – اورگه ساچوب بیله آغلاما
سنه من فدا بیله آغلاما
https://telegram.me/GorBand

منی عف ایله بوحالوملا گر - ایلسم اذیت عم اوغلی جان
آخی من مریض مرا مو وم – ایله بیر عیادت عم اوغلی جان
الوم حقدی ای شه لا فتی - ادورم وصیت عم اوغلی جان
داخی عمر فاطمه ای علی - آخره چاتوب بیله آغلاما
سنه من فدا بیله آغلاما

اولین وصیت بودور منیم – دفن کفنیمه اوزگه گلمسون
غسلومی گیجه یاری ورگینن- یاره می گوزون بلکه گورمسون
یاره می گوزون گورسه سعی ایله - زینبیم منیم بیرده بولمه سون
بولسه زینبیم رام اده مسن – گوز یاشی توکوب بیله آغلاما
سنه من فدا بیله آغلاما
https://telegram.me/GorBand

بیرده واردی بیرجه سفارشیم – قویما قیزلاروم غملره یانا
گلسن هرزمان قبروم اوستونه – زینبی گتور قویما تک قالا
اوخشویار گوزل قیز آناسینی – منی اوخشویان زینبوم اولا
ورتسلی چوخ اوخشاسامنه – سیل گوزون یاشون بیله آغلاما
سنه من فدا بیله آغلاما
https://telegram.me/GorBand

عمرومون یتور سونا گونلری - دوت بالامی قوی تاپشوروم سنه
دوردی ده منه محترمدولر - لیک قوی دیوم بیر سوزی سنه
بولوسن حسینی چوخ ایسترم – آغلاسا گلر مین محن منه
دشت کربلایه دین حسین - آغلاماخ قالوب بیله آغلاما
سنه من فدا بیله آغلاما
https://telegram.me/GorBand

اورگینده مین غمیله خانوم – بوسوزی(مطلبی)باشلادی
سینه وون یاراسینی یاد ادوب – یوزه اشکینی توکوب آغلادی
بیله آغلاما دیدی یا علی – گیجه صبحه تک یازوب آغلادی
 اونادا برات بقیع نی ور- دینه بسدی بیر بیله آغلاما

اثر کربلای قربان مطلبی
کانال اشعارقربان مطلبی و شاعران اهلبیت.
https://telegram.me/GorBand


برچسب‌ها: مایانتبریزاشعار قربان حضرت زهرا

تاريخ : پنج شنبه 8 بهمن 1398 | 1:58 | نویسنده : قربان مطلبی مایانی |

زینب که آدی ثبت اولونوب دفتر عشقه  -----وار علتی جان بذل ائلیوب پیکر عشقه

عشقین آغاجین باغ ولایتده سوواردی -----همراهیدی هر روز وشبی سرور عشقه


برچسب‌ها: هیت تبریز

ادامه مطلب
تاريخ : چهار شنبه 6 آبان 1394 | 14:7 | نویسنده : قربان مطلبی مایانی |

 دانلو مداحی کربلای قاسم زاهدی در مایان

 

دانلود--- صوتی

صوت الرقیه مایان


موضوعات مرتبط: دانلود
برچسب‌ها: زاهدی -الواز-مایانتبریزاهلبیت

تاريخ : یک شنبه 26 بهمن 1398 | 13:36 | نویسنده : قربان مطلبی مایانی |

دانلود صدای مداح اهل بیت مرحوم محمد حسین مطلبی

از صوت الرقیه مایان

دانلود== صوتی

التماس دعا


موضوعات مرتبط: دانلود
برچسب‌ها: تبریز مایانمطلبی مداحی

تاريخ : جمعه 24 بهمن 1398 | 13:40 | نویسنده : قربان مطلبی مایانی |

مداحی مداح اهلبیت آقای حمیداحمری دراربعین 93مجمع هئیتهای حسینی

مداح اهل بیت کربلای حمید احمری

دانلود قسمت 1 تصویری

دانلود قسمت 2 تصویری

التماس  دعا

 

 

 


موضوعات مرتبط: دانلود
برچسب‌ها: احمری مایانتبریزحسینی

تاريخ : چهار شنبه 22 بهمن 1398 | 9:53 | نویسنده : قربان مطلبی مایانی |

مراسم عاشورای سال 78

مرحم حاج محمدعلی شایقی

مرحوم حاج محمدعلی شلیقی

 

دانلود= تصویری


برچسب‌ها: مایانتبریزشایقی

تاريخ : سه شنبه 21 بهمن 1398 | 16:24 | نویسنده : قربان مطلبی مایانی |

دانلود مراسم شب شامغریبان خانم رقیه سال 1378درمنزل کربلای قربان مطلبی

مداحی ابولی ومرحوم طالبی

دانلود

 


برچسب‌ها: مایان تبریز مطلبی

تاريخ : دو شنبه 20 بهمن 1398 | 11:29 | نویسنده : قربان مطلبی مایانی |

 دانلود سخنرانی از مرحوم حضرت حجت الاسلام و المسلمين حاج شيخ غلام حسين فريد عصر مایان

 1378 مسجد جامع مایان

حتما دانلود کنید

 

دانلود

 تصویری


برچسب‌ها: مایان فرید عصر تبریزعاشقان رقیه مطلبی

تاريخ : یک شنبه 19 بهمن 1398 | 1:20 | نویسنده : قربان مطلبی مایانی |

دانلود شعر خوانی کربلای قربان مطلبی در هئیت شهدای کربلای تبریز

 

دانلودصوتی

دانلو


موضوعات مرتبط: دانلود
برچسب‌ها: مایان شهدای کربلاتبریز

تاريخ : شنبه 18 بهمن 1398 | 23:16 | نویسنده : قربان مطلبی مایانی |

عكسهـای تلّ زینـبیه

 

برچسب‌ها: عکس زینب حرم مایانتبریزامام حسین

ادامه مطلب
تاريخ : چهار شنبه 27 آذر 1392 | 1:7 | نویسنده : قربان مطلبی مایانی |

اشعار کوچ از خرابه خانم زینب

شاعر.. کربلای قربان مطلبی

خرابه نی  ایلمه مکان === دور گداخ  بالام یاتما

گیدور بو غملی کاروان === دورگیداخ بالام یاتما

شمریله سنان یوخدی ----  دور یرون  بالا بوشدی

کیمسه  دردیمی  بولمور ---- گیتمگه  دیزیم  گلمور

نه شمر واردور نه سنان === بوسفرده غم یوخدی

نه زجر وار نه ساربان ===   سیلیدن  خبر یوخدی

چخوب کجاوه دن فغان  === دوربالا یرون بوشدی

بیبوندی یولد  همدمون  ===  دورگیداخ بالام یاتما

کیمسه  دردیمی  بولمور ----  گیتمگه  دیزیم  گلمور

توزون سلیبمزاریوین === سسلیرم قیزوم وای وای

رباب سس  ورور منه  ===  سویلوری  بالام  ایوای

گهی  علی  و اصغره    ===    گه سنه  دیور  لایلای 

صدای  زنگ  کاروان   ===  دور  گیداخ  بالام یاتما

کیمسه  درد یمی  بولمور ----  گیتمگه  دیزیم  گلمور

آجون نان اولموشدی بالام === غنچه مثلی پژمرده

اوحالی  قلبیمی  منیم  ===  سالمو شیدی  مین درده

تاپو لمادی  دردینه دوا === جان  وروب قوری  یرده

منی  بو دردین اولدور  ===   دور گیداخ  بالام   یاتما

کیمسه  دردیمی  بولمور  ----   گیتمگه  دیزیم  گلمور

الیمده   اولسیدی چارام   ===   شامیده  قالوب  گتمم

دایانمارام  من مدینه ده   ===   قبرون ا وستونه  گلم

گلوب  مزاروون   بالا   ===    زا یری   اولوب   اولم

زیارته  گیدور  بیبون    ===    دور گیداخ   بالام  یاتما

کیمسه  دردیمی  بولمور  ----   گیتمگه  دیزیم  گلمور

شاعر کربلای قربان مطلبی

التماس دعا


برچسب‌ها: امام حسین رقیهکوچکربلاشعر قربان مطلبی مایان تبریز

تاريخ : دو شنبه 25 آذر 1392 | 13:31 | نویسنده : قربان مطلبی مایانی |

حاج اسماعیل وثاقی به رحمت خدا پیوست

 


به گزارش نصر نیوز، حاج اسماعیل وثاقی یکی از قدیمی ترین و با صفا ترین مداحان کشور شب گذشته در اثر بیماری قلبی در تبریز درگذشت.


این مداح با صفای اهل بیت عصمت و طهارت بنیانگذار هیئت حضرت موسی بن جعفر (ع) تبریز بود که جامعه حسینی سال ها با صدای این عاشق دلسوخته حضرت اباعبدالله حسین (ع) اشک ها ریخته اند.

برچسب‌ها: وثاقی اسماعیل تبریز

تاريخ : شنبه 23 آذر 1392 | 19:47 | نویسنده : قربان مطلبی مایانی |
تاريخ : سه شنبه 28 آبان 1392 | 13:4 | نویسنده : قربان مطلبی مایانی |

صفحه قبل 1 2 3 4 5 ... 26 صفحه بعد

.: Weblog Themes By SlideTheme :.


  • الیاس موزیک